नेपालको अग्रणी कन्फेक्सनरी उत्पादक कम्पनी, सुजल फुड्स प्रालिले नयाँ स्वाद र रमाइलो अनुभवसहितको व्याफी फ्यामिली प्याक नेपाली बजारमा सार्वजनिक गरेको छ । आफ्ना प्रियजनसँग बाँड्नका लागि वा आफैंले रमाइलोसाथ उपभोग गर्न उपयुक्त रहेको यस प्याकमा अझ ठूलो परिमाण, अझ स्वादिलो र अझ कुरकुरे बनावट पाइनेछ ।
नयाँ व्याफी फ्यामिली प्याक दुई अत्यधिक रुचाइएका स्वादहरू, स्ट्रबेरी र चकलेट मा उपलब्ध छ । १२० ग्रामको प्याकको मूल्य मात्र १०० राखिएको छ, जसले यसलाई बजारकै सबैभन्दा सुलभ मूल्यमा उपलब्ध प्रिमियम वेफर बनाएको छ ।
व्याफी विशेषगरी प्रिमियम स्वादका स्न्याक्स मन पराउने बालबालिकाका लागि लक्षित गरिए तापनि, शपिङ मल र कनभिनियन्स स्टोरहरूमा स्वादिलो खाजाको खोजीमा रहने गृहिणी तथा अनलाइन वा ई–कमर्समार्फत नियमित रूपमा खाजाको अर्डर गर्ने उपभोक्ताहरूलाई समेत ध्यानमा राखेर बजारमा ल्याइएको हो ।
उच्च गुणस्तरका सामग्रीको समिश्रणमा अत्याधुनिक प्रविधिबाट उत्पादन गरिएको व्याफीमा चार तहको कुरकुरो वेफर र तीन तहको स्वादिलो क्रिम प्रयोग गरिएको छ । यसले स्वाद र गुणस्तर दुबैमा नयाँ मापदण्ड कायम गरेको छ । १२ महिनासम्म ताजा र कुरकुरोपन कायम रहने बनावट, तीन तहको धातुयुक्त प्याकेजिङ र ‘सुरक्षा ट्रे’ को प्रयोगले अन्तिम बाइटसम्म स्वाद र कुरकुरोपनलाई सुरक्षित राख्दछ ।
उपहार दिन वा रमाइलो क्षणमा उपभोग गर्नका लागि व्याफी उत्कृष्ट विकल्प हो ।
व्याफी फ्यामिली प्याक अहिले नेपालभरिका भाटभटेनी सुपरमार्केट, बिगमार्ट, केकेमार्ट, सेल्सबेरीलगायतका प्रमुख खुद्रा पसलहरूमा उपलब्ध छ । साथै, दराज, गिफ्टमाण्डु डटकम, स्मार्टडोको डटकम, यार्शाबजार डटकम, बिजबजार डटकम तथा डिलआयो डटकम जस्ता प्रमुख ई–कमर्स प्लेटफर्महरू मार्फत पनि सजिलै खरिद गर्न सकिन्छ ।
व्याफी नेपालमै सीमित छैन। यसका उत्पादन अमेरिका, युरोप, अष्ट्रेलिया तथा विभिन्न खाडी मुलुकमा समेत निर्यात भइरहेका छन् ।
५० वर्षभन्दा बढीको कन्फेक्शनरी अनुभव र २५ वर्षभन्दा लामो समयदेखि वेफर क्षेत्रमा अग्रणी स्थान ओगट्दै आएको सुजल फुड्स, लक्ष्मी ग्रुप अन्तर्गतको प्रमुख कम्पनी हो। कम्पनीले सधैँ गुणस्तरीय उत्पादनलाई उचित मूल्यमा उपभोक्तासम्म पु¥याउने प्रतिबद्धता जनाउँदै आएको छ ।
नयाँ व्याफी प्याकले बालबालिका, किशोरकिशोरी तथा युवा माझ लोकप्रियता हासिल गर्दै हरेक बाइटमा रमाइलो स्वादको भरपूर अनुभव प्रदान गर्ने कम्पनीको विश्वास छ ।
