पोखरा मुस्ताङचोकमा आज बिहान सवारी दुर्घटनामा परी घाइतेमध्ये एक युवकको मृत्यु भएको छ । अर्का युवकको उपचार जारी छ ।
दुर्घटनामा परेर गम्भीर घाइते भएका पोखरा महानगरपालिका वडा नं. २१ घर भइै हाल ड्यामसाइड बस्ने २२ वर्षीय सुजन गौतमलाई गण्डकी मेडिकल कलेजले बिहान १०:५० बजे मृत घोषणा गरेको हो ।
अर्का घाइते पोखरा १७ बिरौटा बस्ने २२ वर्षीय सुगम श्रेष्ठको पश्चिमाञ्चल क्षेत्रीय अस्पताल पोखरामा उपचार भैरहेको प्रहरीले जनाएको छ ।
बिहान करीब ६ बजे पोखराको मुस्ताङचोकमा पृथ्वीचोकबाट बिरौटातर्फ जाँदै गरेको टिप्परसँग राष्ट्रबैंकचोकबाट मुस्ताङचोक हुँदै बिरौटातर्फ जाँदै गरेको मोटरसाइकल जुधेर दुर्घटनाग्रस्त भएको थियो ।
ग १ ख ७९२९ नम्बरको टिप्पर र प्र ३–०२–०१३–प ५८०४ नम्बरको मोटरसाइकल ठक्कर खाएको थियो ।
टिप्पर चालक धादिङको रोराङ गाउँपालिका ८ घर भएका ४३ बर्षिय मित्रलाल श्रेष्ठ अहिले प्रहरी नियन्त्रणमा लिएको छ ।
