यदि तपाईंको शरीरमा पनि मधुमेह अर्थात सुगरको लक्षण देखिन थालेको छ भने सावधान रहनुहोस् । यो रोगले बिस्तारै–बिस्तारै शरीरका प्रमुख अंगहरुलाई खोक्रो बनाउन सक्छ ।
हाई ब्लड शुगरबाट पीडित व्यक्तिलाई विभिन्न किसिमको समस्या हुन थाल्छ । मुख सुक्नु, थकावट, खुट्टा सुनिनु तथा छालासंग सम्बन्धित समस्या यस रोगका प्रारम्भिक लक्षणहरु हुन् ।
यसले तपाईंको ब्लड स्ट्रिमलाई प्रभावित पार्ने मात्र होइन, शरीरका मुख्य अंगलाई पनि बिगारिद्यिनछ ।
आँखा धमिलो हुनु
विशेषज्ञका अनुसार मधुमेहका कारण कुनै पनि मानिसको आँखामा समस्या हुन सक्छ । जसका कारण मानिसले आँखा धमिलो देख्न थाल्छ । यो रोगले आँखाको रेटिनामा समावेश रक्त कोशिकालाई ड्यामेज गर्ने काम गर्छ । अन्तिम स्टेजमा कहिलेकाहिं मानिस पूर्ण रुपले अन्धो पनि हुन सक्छ ।
किड्नी फेलियर
मधुमेहका विरामीमा किड्नीसंग सम्बन्धित समस्या अति नै सामान्य हो । यदि किड्नीले एकपटक काम गर्न बन्द गऱ्यो भने तपाईंको किड्नी ट्रान्सप्लान्ट अथवा डाइलिसिसको आवश्यकता पर्छ । विशेषज्ञका अनुसार हाई ब्लड शुगर भयो भने मानिसको किड्नी फेल पनि हुन सक्छ ।
छाला ड्यामेज
रक्त कोशिका ड्यामेज हुँदा मधुमेहका विरामीमा छाला सम्बन्धि समस्या पनि हुन थाल्छ । यो स्किन पिग्मेन्टेसनका कारण पनि बन्न सक्छ । यसबाहेक छालामा गहिरो दाग, विशेषगरी हात र खुट्टामा समस्या बढ्छ । चिलाउने अथवा दुखाई नभएता पनि यसले बिस्तारै–बिस्तारै छाला ड्यामेज हुन थाल्छ ।
खुट्टा सुनिने
मधुमेहमा नर्भस ड्यामेज हुने कारणले खुट्टा सुनिने अथवा झन्झन् भएको महसुस हुन थाल्छ । मधुमेहबाट रक्तवाहिका खराव हुन्छ, जसले रक्त सञ्चालनमा समस्या आउन थाल्छ । यदि तपाईंलाई पनि खुट्टा सुनिएको अथवा झन्झन् भएको महसुस गर्नु हुन्छ भने तुरुन्त डाक्टरका सम्पर्क गर्नु पर्छ ।
मुटु सम्बन्धि रोग
मधुमेहसंग सम्बन्धित समस्या हुँदा मुटु रोग हुने सम्भावना धेरै हुन्छ । हाई ब्लड शुगरले तपाईंको कार्डियोभस्क्यूलरको स्वास्थमा नराम्रो असर पार्छ । जसका कारण हृदयघात अथवा मुटुसंग सम्बन्धित समस्याको खतरा धेरै बढ्छ ।
घाउ ठिक नहुनु
मधुमेहका विरामीको घाउ सजिलै निको हुँदैन । रक्त कोशिकाको नराम्रो सञ्चारका कारण यस्तो समस्या हुन्छ । कहिलेकाहिं त लामखुट्टेले टोकेर चिलाउँदा पनि छालामा डाम बस्ने र ठूलो घाउमा परिणत समेत हुन्छ ।
मधुमेहको उपचार
मधुमेह नियन्त्रण गर्नका लागि सबैभन्दा आवश्यक कुरा तपाईंले आफ्नो खानपानमा विशेष ध्यान दिनु आवश्यक छ । खानपान गर्दा होशियार हुनु आवश्यक छ । यसबाहेक त्यस्ता धेरै घरेलू उपाय छन् , जसले तपाईं मधुमेहलाई नियन्त्रण गर्न सक्नु हुन्छ । प्रोसेस्ड र रिफाइन्ड फूडको सेवन गर्नबाट बच्नु पर्छ । केवल स्वास्थ कार्बोहाइड्रेटको मात्र सेवन गर्नु पर्छ । फाइबर भएको खानेकुरा धेरै खानु पर्छ । नियमित व्यायाम गर्नु पर्छ । यसरी तपाईं आफ्नो मधुमेहलाई नियन्त्रणमा राखेर सामान्य जीवन बाच्न सक्नु हुन्छ ।
