कास्की जिल्ला खेलकुद विकास समितिको कोषाध्यक्षमा कञ्चन

By: गण्डकी न्यूज - बैशाख ५ २०७८ आईतवार १८:१२-

कास्की जिल्ला खेलकुद विकास समितिको कोषाध्यक्षमा पत्रकार कञ्चन थापा मनोनित भएकी छन् । गण्डकी प्रदेश सरकार सामाजिक विकास मन्त्रालयले पत्रकार महासंघ कास्कीकी नवनिर्वाचित कार्यसमिति सदस्य कञ्चनलाई कोषाध्यक्षको जिम्मेवारी दिएको हो ।

समितिको अध्यक्षमा तोरण बहादुर बानियाँ मनोनित भएका छन् । उपाध्यक्षमा महेन्द्र गुरुङ, सचिवमा भिम पराजुलीलाई मनोनयन गरिएको छ । स्याङ्जा जिल्लाको अध्यक्षमा गिरी प्रसाद गुरुङ र सचिवमा शितल जङ्ग केसी मनोनित भएका छन् ।

तनहुँ जिल्लाको अध्यक्षमा अनिल पाण्डे र सचिवमा तुल्सीराम पाण्डे, लमजुङ जिल्लाको अध्यक्षमा योग बहादुर गुरुङ र सचिवमा रोजी गुरुङ, नवलपुर जिल्लाको अध्यक्षमा सेत बहादुर पुन र सचिवमा ध्रुव खनाल, मनाङ जिल्लाको अध्यक्षमा चिन बहादुर घले र सचिवमा नवराज गुरुङ रहेका छन् ।

त्यसैगरी, गोरखा जिल्लाको अध्यक्षमा शान्ता सिंह बस्नेत र सचिवमा हिरालाल श्रेष्ठ, मुस्ताङ जिल्लाको अध्यक्षमा मिन कुमार शेरचन र सचिवमा विनोद विसी, म्याग्दी जिल्लाको अध्यक्षमा दिनेश खत्री र सचिवमा तारामान रोक्का, पर्वत जिल्लाको अध्यक्षमा हर्कमान गुरुङ र सचिवमा अदित गुरुङ र बागलुङ जिल्लाको अध्यक्षमा कुमार खडका र उपाध्यक्षमा लोकेन्द्र केसी मनोनित भएका छन् ।

मनोनित परिषद् सदस्य तथा जिल्ला अध्यक्ष तथा पदाधिकारीहरुको कार्यकाल ४ वर्षको रहने व्यवस्था छ ।

गण्डकी प्रदेश खेलकुद परिषदलाई पूर्णता

गण्डकी प्रदेश सरकारले गण्डकी प्रदेश खेलकुद परिषदलाई पूर्णता दिएसँगै परिषदको उपाध्यक्षमा नारायण पुनः मनोनित भएका छन् ।

प्रदेश सरकारबाट परिषद्मा मनोनित परिषद् सदस्यमा गिरमान गुरुङ, बासु बराल, दिल बहादुर गुरुङ, राम चन्द्र थापा, योगेन्द्र गुरुङ, तारामाया थापा मगर, शुभकन्या गुरुङ, चन्द्रा घले गुरुङ, ज्ञान बहादुर बोहरा, योगिता सहनी, योगेन्द्र शेरचन, खगेन्द्र क्षेत्री, बसन्त दवाडी, ऋषी गौतम, निर्मला बराल र केशव पाठक रहेका छन् ।

Spread the love

प्रतिक्रिया

सम्बन्धित खवर