नेपाल कम्युनिस्ट पार्टी (एमाले) को ११ औं राष्ट्रिय महाधिवेशनका लागि स्याङ्जाबाट प्रतिनिधिहरु सर्वसम्मत रुपमा चयन भएका छन् ।
स्याङ्जा सङ्घीय निर्वाचन क्षेत्र नं. १ मा खुला तर्फ नारायण प्रसाद मरासिनी, सुधिर कुमार पौडेल, महेश पुरी र चुनप्रसाद शर्मा प्रतिनिधि बनेका छन् । महिलाबाट चिनमाया गुरुङ र तारा शर्मा तथा युवा प्रतिनिधिमा अमृत नेपाली चयन भएका छन् ।
यस्तै, सङ्घीय क्षेत्र नं. २ मा खुलाबाट सुर्यप्रसाद गैह्रे (पारस), रामचन्द्र भट्टराई र खिम बहादुर थापा चयन भएका छन् । महिलाबाट खगीसरा थापा, भेमला बराल र ४० वर्षमुनिका युवाबाट विश्वनाथ अर्याल प्रतिनिधि बनेका छन् । दलित समुदायबाट मेघबहादुर सार्की र तिलकराम नेपाली चयन भएको नेकपा एमाले स्याङ्जाले जनाएको छ ।
कुल १५ प्रतिनिधिका लागि ८४ जनाले आवेदन दिएका थिए । दुई दिनको छलफलपछि सर्वसम्मत सहमति जुटाएर प्रतिनिधिहरु चयन गरिएको नेकपा एमाले स्याङ्जाका अध्यक्ष सूर्यप्रसाद गैह्रेले जानकारी दिए ।
नेकपा एमालेको ११ औं राष्ट्रिय महाधिवेशन आगामी मङ्सिर २७ देखि २९ गतेसम्म काठमाडौँमा हुने तय भएको छ ।
