फेसबुक, इन्स्टाग्राम, मेसेन्जर लगायत मेटाका एपहरुमा समस्या आएको छ । ती एप्लीकेशनहरु अचानक बन्द वा लग आउट भएका छन् । बुधबार साँझ ९ बजेपछि लगइनमा समस्या देखिएको हो ।
प्रयोगकर्ताहरुले एकाएक फेसबुक, इन्स्टाग्राम, मेसेन्जर लगआउट भएको र त्यसपछि लगइन हुन नसकेको गुनासो गरिरहेका छन् । विश्वभरका प्रयोगकर्ताहरुले यस्तो समस्या देखिएको बताइरहेका छन् ।
यससम्बन्धी एक्ससहितका सामाजिक सञ्जालमा चर्चा भइरहेको देख्न सकिन्छ । तर, के भएको हो भन्नेबारे फेसबुकले केही बताइसकेको छैन ।
कतिपय प्रयोगकर्ताहरु आफ्ना फेसबुक लगायतका सामाजिक सञ्जाल ह्याक भएको हुनसक्ने भन्दै आत्तिएपनि यस्तो समस्या व्यापक रुपमा देखिएको हो ।
