अञ्जु र कुशलकाे मर्मस्पर्शी गीत ‘किनारा’ मा शिशिर र स्मारिकाकाे मन छुने अभिनय [भिडियाे]

नेपाली आधुनिक गीत संगीतको क्षेत्रमा सर्वोच्च स्थानकी सर्वाधिक लोकप्रिय गायिका अञ्जु पन्त र पीडादायी भावमा डुबेर गाउन सक्ने असाध्यै मीठो स्वर भएका कुशल बेलबासेको आवाजमा निखारिएको अभिनयले मुटु छुन सक्ने मोडल शिशिर पौडेल र युवामाझ चर्चित टिकटक स्टार स्मारिका ढकालको अभिनय रहेको भिडियो कस्तो बन्ला ?

गीत सुन्दा र भिडियाे हेर्दा दर्शक भावुक बनाउने गरी यी सबै सर्जक र कलाकार सम्मिलित गीतकाे भिडियाे भर्खरै मात्र सार्वजनिक भएको छ । ‘किनारा’ बोलको सो गीतमा शिशिर र स्मारिकाले मुटु छुने अभिनय गरेका छन् । अञ्जु पन्तले लाेकदाेहाेरी गीतमा पनि उत्तिकै न्याय गरेकी छन् । ‘हाइ रेञ्ज’मा गाउने कुशल बेलबासेकाे प्रतिभाकाे त शब्दमा बयान गर्न पुग्दैन ।

सो गीतमा नीरोज भट्टको शब्द साथै कुशल आफैले लय सिर्जना गरेका छन् । माया प्रेम र बिछाेडपछि प्रेमिल जाेडीकाे भाेगाइ भट्टले मन छुने गरी शब्दमा उतारेका छन् ।

प्रकाश भट्टको निर्देशन रहेको भिडियोमा राजेश घिमिरेको छायांकन र टेकेन्द्र शाहको सम्पादन छ । भिडियो निरोज भट्टको अफिसियल युटुव च्यानलबाट सार्वजनिक भएको हो ।