देवी र राजुको एउटै ईच्छा ‘सबको मनमा बसेर मर्न पाम्’ (भिडियोसहित)

By: गण्डकी न्यूज - पुष १६ २०७७ बिहीबार २०:०९-

हाम्रो जिन्दगी शितको पानी हो
तेरो मेरो नगर कसैले मरिजाने हो

सदावहार चर्चित गायिका देवी घर्ती मगर र प्रिय गायक राजु ढकालले यसपटक सार्थक जिन्दगीका गीत सार्वजनिक गरेका छन् ।

प्रायः मायाप्रेममा मिलन बिछोड, हाँस्यरसका गीतहरु आफ्ना श्रोतादर्शकमाझ पस्कँदै आएको यो जोडीले यसपटक निकै मर्मस्पशी शब्दलाई गीतमा भाका भरेका छन् ।

बाँचुन्जेल सत्कर्म गरेर, सबैको हित सोचेर, त्यसै अनुसार कर्म गरेर जिउनुपर्छ, मरेपछि पनि नाम रहिरहन्छ भन्ने भावनाका साथ सकारात्मक सोच प्रवाह गर्न गर्ने उद्देश्यका साथ बजारमा ल्याइएको सो गीत देवी घर्तीको आफ्नै यूट्युब च्यानलबाट सार्वजनिक भएको हो ।

गीतमा राजु र देवीकै आवाज छ । भिडियोमा पनि यो जोडी देखिएको छ । नायिका छुल्ठिम डोल्मा गुरुङ र सागर भण्डारीले अभिनय गरेका छन् ।

गीतको लय चेतन गोतामेको हो भने शब्दभाव रमेश बिजीको रहेको छ । मारुनी डिजिटलका कुमार रानाले अडियो मिक्सिङको जिम्मा लिएका हुन् । भिडियोको निर्देशन देवेन्द्र बब्लुले गरेका हुन् ।

करण चैसिरले खिचेका भिडियोको सम्पादन प्रविण भट्ट र उत्तम कार्कीले गरेका छन् । स्क्रिनप्लेमा विशाल घिमिरे, निर्माण नियन्त्रक माधव राउतले सहयोग गरेका छन् ।

Spread the love

प्रतिक्रिया

सम्बन्धित खवर