स्याङ्जाको भीरकोटमा अवैध रूपमा बालुवा ओसारपसार गरिरहेको अवस्थामा प्रहरीले एउटा ट्याक्टर नियन्त्रणमा लिएर कारबाही गरेको छ ।
शुक्रबार भीरकोट नगरपालिका–१ हेलुस्थित सिद्धार्थ राजमार्गमा सवारीसाधन जाँच गर्ने क्रममा प्रहरीले ग १ त ७०८३ नम्बरको ट्याक्टरले अवैध रूपमा बालुवा ओसारपसार गरिरहेको फेला पारेको जिल्ला प्रहरी कार्यालय स्याङ्जाका सूचना अधिकारी प्रहरी नायब उपरीक्षक रमेश दत्त अवस्थीले जानकारी दिए ।
प्रहरीले ट्याक्टर नियन्त्रणमा लिएर आवश्यक अनुसन्धान तथा कानुनी कारबाहीका लागि भीरकोट नगरपालिका कार्यालयमा पठाएकोमा नगरपालिकाले ट्याक्टरलाई १० हजार रुपैयाँ जरिवाना गरेको छ । जरिवाना तिराएपछि ट्याक्टर छाडिएको प्रहरीले जनाएको छ ।
