स्याङ्जामा ७६ वर्षीया महिलामाथि जबर्जस्ती करणी गरेको आरोपमा प्रहरीले एक युवकलाई पक्राउ गरेको छ ।
जिल्ला प्रहरी कार्यालय स्याङ्जाका अनुसार अर्जुनचौपारी गाउँपालिका–४ का २१ वर्षीय रोशन विकलाई घटनाको आरोपमा पक्राउ गरिएको हो ।
प्रहरीका अनुसार २४ साउनमा घरमा एक्लै रहेको अवस्थामा ती महिलामाथि जबर्जस्ती करणी गरेको आरोप विकमाथि लागेको छ । पीडित महिलाको पहिचान गोप्य राखिएको प्रहरीले जनाएको छ ।
घटनाबारे जानकारी पाएपछि प्रहरीले विकलाई २५ साउनमा पक्राउ गरेको थियो । पक्राउ परेका विकविरुद्ध स्याङ्जा जिल्ला अदालतबाट सात दिनको म्याद थप गरी अनुसन्धान अघि बढाइएको जिल्ला प्रहरी कार्यालयका सूचना अधिकारी तथा प्रहरी नायब उपरीक्षक रमेश दत्त अवस्थीले जानकारी दिए ।
प्रहरीले घटनासम्बन्धी थप अनुसन्धान भइरहेको जनाएको छ ।
