पोखरा महानगरपालिका १२ र यूएनडीपीद्वारा वातावरण दिवसमा संयुक्त कार्यक्रम गरिएको छ । पोखरा महानागपालिका १२, उर्जा तथा वातावरण केन्द्र नेपाल, ब्लू वेष्ट टु भ्यालु र ग्रीन रोड वेष्ट म्यानेज्मेन्ट प्रालिको संयुक्त आयोजनामा सोमबार पोखरा महानगरपालिका १२ स्थित क्याटरिंगमा वातावारण दिवस सम्बन्धि बृहत कार्यक्रम सम्पन्न भएको हो ।
वातावरण दिवसका अवसरमा चित्रकला प्रतियोगिता र अपसाइक्लिन् प्रतियोगिता पनि आयोजना गरिएको वडाध्यक्ष सन्तोष बास्तोलाले बताए । उनका अनुसार प्रतियोगितामा प्लास्टिक प्रदुषण न्यूनीकरण विषयवस्तु भित्र रहेर आफ्ना कलाहरु प्रस्तुत गर्नुपर्ने थियो ।
दुबै प्रतियोगिताबाट उत्कृष्ठ दशदश प्रतियोगीहरुलाई पुरस्कार स्वरूप पुन प्रयोग हुने किनमेल झोला, गमला र डायरी प्रदान गरिएको थियो । त्यस्तैगरी चित्रकला प्रतियोगिताका उत्कृष्ट ३ प्रतियोगी र अपसाइक्लिन प्रतियोगिताका उत्कृष्ट ४ प्रतियोगीहरुलाई थप रु ५००० ले पुरस्कृत गरिएको वडाध्यक्ष बास्तोलाले बताए। पोखरा महानगरपालिकाका विभिन्न विद्दालयहरुबाट ९० भन्दा बढी विद्यार्थीको सहभागिता रहेको थियो ।
भद्रकाली वेष्ट म्यानेजमेन्ट प्रालि, बेष्ट सर्भिस प्रालि, हिमालयन लाइफ प्लाष्टिक, ग्रीन भ्याली बहुउद्देश्यीय सहकारी संस्था र गण्डकी उर्जा लगायतका संस्थाहरुले कार्यक्रममा सहयोग गरेका थिए । महानगरपालिकालाई सफा र सुन्दर बनाउन उल्लेखनीय भूमिका निर्वाह गर्ने संस्था र विशिष्ट व्यक्तिहरुलाई सम्मान गरिएको थियो । भद्रकाली वेस्ट म्यानेजमेन्ट प्रालि, वेस्ट सर्भिस प्रालि, गण्डकी उर्जा, पोखरा फोहोरमैला प्रालि, हिमालयन लाइफ प्लाष्टिक प्रालि, नेपाल पब्लिक हेल्थ फर इनभाइरोमेन्ट एण्ड डेभलपमेन्ट प्रालि ग्रीन भ्याली रिसाइक्लरस बहुउद्देश्यीय सहकारी संस्था, पोखरा चिप्स एण्ड दाना उद्दयोग, वातावारणयि सुन्दर नेपाल, प्रकृति सुन्दर नेपाल लगायतका संस्थाहरु सम्मानित भएका थिए ।
चोकचोकमा डस्टबिन
पोखरा १२ नम्बर वडा कार्यालयले सरसफाइमा चासो देखाएको छ । शहर सफा राख्न कार्यालयले सामुदायिक विद्यालय, नवीकरण भएका टोल विकास संस्था र वडाका मुख्य सार्वजनिक स्थल एवं चोकमा डस्टबिन राखेको छ ।
त्यस्तै कुहिने र नकुहिने फोहोर राख्नको लागि छुट्टाछुट्टै डस्टबिनको व्यवस्था मिलाएको वडाध्यक्ष सन्तोष बास्तोलाले बताए ।
वडालाई सफा र स्वच्छ राख्न फोहोरको व्यवस्थापनमा जुटेको उनको भनाइ छ ।
‘पोखरा पर्यटकीय सहर भएकोले पर्यटकको पनि ओइरो लाग्छ । पर्यटकको मन खिच्न पनि शहर सुन्दर बनाउन आवश्यक छ,’ वडाध्यक्ष बास्तोलाले भने ।
प्रतिक्रिया लेख्नुहोस्:-