स्याङ्जाको चापाकोट नगरपालिका–१ का वडाध्यक्ष भूपराज वोस्तीमाथि मोविल छ्यापेको आरोपमा सोही वडाका सदस्य सन्तोष थापा मगर पक्राउ परेका छन् ।
मंगलबार दिउँसो १ बजे चापाकोट–१ को वडा कार्यालय परिसरमा वडाध्यक्ष वोस्तीको शरीरमा मोविल छ्याप्ने कार्यमा संलग्न रहेको आरोपमा ३१ वर्षीय थापा मगरलाई पक्राउ गरिएको जिल्ला प्रहरी कार्यालय स्याङ्जाका सूचना अधिकारी प्रहरी नायब उपरीक्षक रमेशदत्त अवस्थीले जानकारी दिए ।
पक्राउ परेका थापा मगर सोही वडाका वडा सदस्यसमेत हुन् ।
उनलाई भदौ १७ गते स्याङ्जा जिल्ला अदालतबाट पाँच दिनको म्याद थप अनुमति लिएर अनुसन्धान भइरहेको डीएसपी अवस्थीले जानकारी दिए ।
प्रहरीले घटनामा संलग्नता र घटनाको कारणबारे थप अनुसन्धान गरिरहेको जनाएको छ ।
