स्याङ्जा सहयोग समाज अन्तर्राष्ट्रिय समन्वय समिति (आइसिसि)को छैठौं विश्व सम्मेलन स्याङ्जाको सदरमुकाम पुतलीबजार नगरपालिकामा सम्पन्न भएको छ ।
विश्वका विभिन्न देशमा बसोबास गर्दै आएका स्याङ्जालीहरूको भेला भव्य रूपमा सम्पन्न भएको सम्मेलनले बेल्जियम निवासी मीनबहादुर क्षेत्रीलाई अध्यक्षमा चयन गरेको छ । दुई वर्षका लागि गठन गरिएको नयाँ समितिमा सहमतिको आधारमा पदाधिकारी चयन गरिएको हो ।
नवगठित समितिमा वरिष्ठ उपाध्यक्षमा दक्षिण कोरियाका राजेश पाण्डेय, उपाध्यक्षहरूमा पोर्चुगलका एम.पी. अर्याल र अर्जुन अर्याल, जापानका धुर्व ज्ञवाली, युएईका पिताम्बर अर्याल, अमेरिकाका शोभाकान्त पाण्डेय, र महिला उपाध्यक्षमा बेल्जियमकी इन्दिरा खनाल रहेका छन् ।
त्यसैगरी, महासचिवमा क्रोसियाका ओमप्रकाश पोख्रेल, सचिवहरूमा नेपालका गुप्त प्रसाद गैह्रे र अमेरिकाका दिनदयाल भण्डारी चयन भएका छन् । कोषाध्यक्षमा नेपालका चिरञ्जीवी ढकाल, सह–कोषाध्यक्षमा तारा प्रसाद गौडेल, प्रवक्तामा धर्मागत पराजुली, र युवा संयोजकमा बिदुर कोइराला रहेका छन् ।
क्षेत्रीय संयोजकहरूमा अमेरिकाबाट ज्ञानबहादुर क्षेत्री, मध्यपूर्वबाट गोपाल पंगेनी, र एसिया–प्यासिफिक क्षेत्रबाट चित्र गुरुङ चयन भएका छन् । निर्वाचन समितिका संयोजक खेम काफ्लेका अनुसार सदस्यहरूमा विष्णु भट्टराई (साउदी अरब), तुल्सिराम गौडेल (जापान), राजेन्द्र प्रसाद डुम्रे (पोर्चुगल) र अर्मान गुरुङ (जापान) रहेका छन् ।
काफ्लेका अनुसार, सम्मेलनले ३१ सदस्यीय कार्यसमिति गठन गर्ने निर्णय गरेको छ, जसमा बाँकी सदस्यहरू समितिको निर्णयबाट थपिनेछन् ।
देश–विदेशमा रहेका स्याङ्जालीहरूको साझा मञ्चका रूपमा यो सम्मेलनलाई स्याङ्जा समुदायले ऐतिहासिक उपलब्धिको रूपमा लिएको छ ।
