स्याङ्जाको वालिङ् नगरपालिका -८ कटेज नमुनाटोलमा वि.सं. २०८० साल वैशाख २२ गते भएको ४९ वर्षीय खुमानन्द लामिछानेको मृत्यु प्रकरणमा नयाँ मोड आएको छ । प्रारम्भिक अनुसन्धानका क्रममा मृतकको श्रीमती रञ्जिता लामिछानेको संलग्नता देखिएपछि जिल्ला अदालत स्याङ्जाबाट पक्राउ पुर्जी जारी भएको थियो ।
पक्राउ पुर्जीका आधारमा २०८२ साल साउन ८ गते वडा प्रहरी कार्यालय वालिङबाट खटिएको विशेष टोलीले उनलाई वालिङ् -८ स्थित वालिङमोडबाट लुकिछिपी बसेको अवस्थामा पक्राउ गरेको हो ।
हाल रञ्जिता लामिछानेलाई कर्तव्य ज्यान मुद्दामा १० दिनको म्याद थप गरि थप अनुसन्धान थालिएको जिल्ला प्रहरी कार्यालय स्याङ्जाका सूचना अधिकारी, प्रहरी नायब उपरीक्षक प्रसन्न राज चौधरीले जानकारी दिए ।
प्रहरीले घटनाको गम्भीरता हेरेर अनुसन्धानलाई अझ सघन बनाएको जनाएको छ ।
