पोखरा । गण्डकी प्रदेशसभाले आमसञ्चार विधेयक पास गरेको छ । संघीय सरकारमा सत्ता गठवन्धन फेरबदल हुने चर्चा चलिहेका बेला गण्डकीमा वर्षौंदेखि थाती रहेको आमसञ्चार विधेयक पास भएको हो ।
आजको प्रदेशसभा बैठकले सर्वसम्मत रूपमा विधेयक पास गरेको हो । मुख्यमन्त्री सुरेन्द्रराज पाण्डेको प्रस्तावमा विधेयक पास भएको हो ।
विधेयक पास भएसँगै सञ्चारमाध्यम दर्तादेखि नवीकरणसम्मको सुविधा प्रदेशबाटै हुनेछ ।
विधेयक पारितसँगै मुख्यमन्त्री पाण्डेले गण्डकी प्रदेशमा आमसञ्चार माध्यमलाई स्वतन्त्र, मर्यादित र जिम्मेवार बनाई विचार र अभिव्यक्तिको स्वतन्त्रता तथा सञ्चारको हकलाई थप प्रभावकारी बनाउन टेवा पुग्ने विश्वास लिएको बताए ।
