नेपाली लेखक सङ्घ स्याङ्जाले ४४औँ बिपी स्मृति दिवसको अवसरमा आयोजना गरेको ‘बिपी विचार गोष्ठी तथा काव्य उत्सव–२०८३’ मा वक्ताहरूले बिपी कोइरालाको विचार, अभिव्यक्ति स्वतन्त्रता र लोकतान्त्रिक मूल्य आज पनि उत्तिकै सान्दर्भिक रहेको बताएका छन् ।
वालिङ बहुमुखी क्याम्पसको सभाकक्षमा आयोजित कार्यक्रममा बिपीको राजनीतिक, साहित्यिक र वैचारिक योगदानमाथि चर्चा गर्दै वक्ताहरूले लोकतान्त्रिक समाज निर्माणमा उनका विचारले अझै मार्गदर्शन गरिरहेको धारणा राखे ।
नेपाली लेखक सङ्घ स्याङ्जाका अध्यक्ष पारिश्वर न्यौपानेको अध्यक्षतामा भएको कार्यक्रममा गण्डकी प्रज्ञा प्रतिष्ठानका कुलपति प्रा.डा. कुसुमाकर न्यौपाने प्रमुख आमन्त्रित व्यक्तित्वका रूपमा सहभागी थिए । कार्यक्रममा प्रा.डा. वासुदेव भण्डारीले प्रमुख वक्ताका रूपमा कार्यपत्र प्रस्तुत गरेका थिए भने ध्रुवप्रसाद शर्मा पङ्गेनीले टिप्पणी गरेका थिए ।
विचार गोष्ठीमा नेपाली कांग्रेस भीरकोटका सभापति यामप्रसाद अधिकारी (लक्ष्मण), वालिङ बहुमुखी क्याम्पसका निमित्त क्याम्पस प्रमुख विष्णु सुवेदी गैह्रे, नेपाल शिक्षक सङ्घ स्याङ्जाका अध्यक्ष पशुपति पौडेल, नेपाली लेखक सङ्घ कास्कीका अध्यक्ष तथा गण्डकी प्रज्ञा प्रतिष्ठानका प्राज्ञ कमल पौडेल ‘अथक’ तथा नेपाली लेखक सङ्घका केन्द्रीय सचिव मिलन समीरले बिपीको विचार र समकालीन सन्दर्भबारे धारणा राखेका थिए ।
कार्यक्रमको दोस्रो चरणमा आयोजित ‘बिपी काव्य उत्सव–२०८३’ मा स्याङ्जाका स्रष्टाहरूले आ–आफ्ना सिर्जना वाचन गरेका थिए । काव्य वाचन गर्नेहरूमा ध्रुवप्रसाद शर्मा पङ्गेनी, कमला रेग्मी, विकास थापा मगर, बबिन पाठक, रमेश कुख्यात, स्मारिका अर्याल, गोविन्दशरण रेग्मी, मुनाल गोदार क्षेत्री, ढालबहादुर केसी, रेशमलाल डुम्रे, नारायण न्यौपाने ‘दर्शन’, लक्ष्मी रेग्मी खनाल, वसन्त खनाल, खगेन्द्रजङ्ग थापा, दिलीप तिवारी, लीलाप्रसाद रेग्मी, राजु गैह्रे, शम्भु अर्याल, राजेन्द्र श्रेष्ठ, विनुप्रसाद पराजुली, झवनाथ बस्याल, प्रेमप्रसाद सुवेदी, सीताराम अधिकारी, कमलप्रसाद बगाले, प्रकाश न्यौपाने ‘चौरासपति’, जि.बी. राना, ओम थापा, गुरुप्रसाद ढकाल, सरस्वती अर्याल काफ्ले, चण्डिकाप्रसाद भट्टराई, शान्ता थापा, यमप्रकाश खनाल, अनन्त अर्याल, लेखनाथ काफ्ले, मिलन समीर र पारिश्वर न्यौपानेलगायत रहेका थिए ।
कार्यक्रममा गण्डकी प्रज्ञा प्रतिष्ठानका कुलपति प्रा.डा. कुसुमाकर न्यौपानेलाई नेपाली लेखक सङ्घ स्याङ्जाले विशेष सम्मान गरेको थियो । त्यस्तै प्रमुख वक्ता, टिप्पणीकर्ता तथा विशिष्ट अतिथिहरूलाई मायाको चिनो प्रदान गरिएको थियो ।
नेपाली लेखक सङ्घ स्याङ्जाकी उपाध्यक्ष शान्ता थापाले स्वागत मन्तव्य व्यक्त गरेकी थिइन् । कार्यक्रमको सञ्चालन सङ्घका सचिव गुरुप्रसाद ढकालले गरेका थिए भने कार्यक्रमको संयोजन सङ्घका निवर्तमान अध्यक्ष तथा केन्द्रीय सचिव मिलन समीरले गरेका थिए ।
२००८ सालमा स्थापना भएको नेपाली लेखक सङ्घले सिर्जनशीलता, अभिव्यक्ति स्वतन्त्रता र लेखकीय अधिकारको संरक्षणका लागि निरन्तर गतिविधि सञ्चालन गर्दै आएको छ । यसै अभियानअन्तर्गत आयोजित गोष्ठी र काव्य उत्सवमा साहित्यकार, शिक्षक, विद्यार्थी तथा साहित्यप्रेमीको उल्लेख्य सहभागिता रहेको थियो ।
