स्याङ्जाको फेदीखोला क्षेत्रबाट अवैध रूपमा नदीजन्य पदार्थ ढुङ्गा र गिट्टी उत्खनन तथा ओसारपसार गर्ने दुईवटा ट्याक्टरलाई प्रहरीले नियन्त्रणमा लिएको छ ।
अवैध उत्खनन तथा ओसारपसारमा संलग्न ग १ त ७१३३ र ग १ त ५४१८ नम्बरका ट्याक्टरलाई फेदीखोला गाउँपालिका–२ र ३ को सिमाना सेतीखोला–भाटखोला क्षेत्रबाट नियन्त्रणमा लिइएको जिल्ला प्रहरी कार्यालय स्याङ्जाका प्रहरी निरीक्षक सागर कार्कीले जानकारी दिए ।
प्रहरीले दुवै ट्याक्टरलाई नियन्त्रणमा लिएर आवश्यक अनुसन्धान तथा कारबाहीका लागि फेदीखोला गाउँपालिका कार्यालय पठाएको प्रहरी निरीक्षक कार्कीले बताए । प्रहरीले अवैध उत्खनन रोक्न जिल्लामै निगरानी कडा पारेको जनाएको छ ।
