करिब डेढ वर्षदेखि फरार रहेका एक युवकलाई स्याङ्जा प्रहरीले पक्राउ गरेको छ । जबरजस्ती करणी मुद्दामा फरार रहेका स्याङ्जाको वालिङ नगरपालिका –१४ पेखुदेउरालीका २५ वर्षीय सागर खवास पक्राउ परेका हुन् ।
गत साल वैशाख १४ गते राति ‘०८१/०८२ वालिङ D’ नाम परिवर्तन गरिएको पिडितमाथि खवासले जबरजस्ती करणी गरेको भन्दै मुद्दा दर्ता भएको थियो । सो घटनापछि उनी फरार रहेका थिए ।
२०८२ कात्तिक १ गते वालिङ नगरपालिका –१ ओडारेबाट खवासलाई लुकिछिपी बसेको अवस्थामा नियन्त्रणमा लिइएको प्रहरी नायब उपरीक्षक तथा सूचना अधिकारी प्रसन्न राज चौधरीले जानकारी दिए ।
पक्राउ परेका खवासलाई आवश्यक अनुसन्धान र कानूनी प्रक्रिया अघि बढाइएको प्रहरीले जनाएको छ ।
