पोखरामा मनाइयो गाईजात्रा [तस्वीरहरू]

पोखरा उपत्यकासहित देशभरका नेवार समुदायले गाईजात्रा पर्व मनाएका छन् । यसपालि विहीबार र शुक्रबार दुई दिन गाईजात्रा परेको छ । पोखरामा विहबिार नै गाईजात्रा मनाइएको छ ।

पछिल्लो एक वर्षमा दिवंगत भएका परिवारका सदस्यको सम्झनामा गाईजात्रा निकाल्ने प्रचलन छ । देशभरका नेवार समुदायमा गाईजात्राको प्रचलन रहे पनि काठमाडौं उपत्यकाको गाईजात्रा विशेष मानिन्छ ।

राजा प्रताप मल्लले पुत्रशोकले भावविह्ल भएकी आफ्नी रानीलाई दुनियाँले पनि यस्तै शोक ब्यहोर्नुपर्छ भन्ने सन्देश दिन ‘जनतालाई आ-आफ्नो घरका मरेको व्यक्तिको नाममा गाईजात्रा निकाली सहर परिक्रमा गराउनू’ भनी आत्रा दिएका आधारमा यो पर्व सुरु गरिएको ऐतिहासिक तथ्य रहेको पाइन्छ।

यसबाट पनि रानीको मन शान्त नभएपछि प्रहसन, नाटक र नाच प्रस्तुत गरिएअनुसार गाईजात्रामा प्रस्तुत गर्दै आएको जनश्रृति रहेको छ। सोही समयमा सुरु गरिएको गाईजात्रा हनुमाढोकास्थित ‘राजप्रासाद’ भएर जानुपर्ने प्रथा हालसम्म जारी रहेको बताइन्छ।

विशेष गरी काठमाडौं, भक्तपुर, ललितपुरलगायत नेवारी समुदायको बाक्लो बस्ती रहेको स्थानमा मनाइने यो जात्रा नेवार समुदाय रहेको गाउँ शहरहरुमा पनि मनाइँदै आएको हो।

हेर्नुहोस् पोखराका तस्वीरहरू: